لما تيجي تتجوز لو دفعت مهر وجهزت شقتك بنفسك هيفضل القانون بيخدم الزوجة وممكن تخلع منك وتاخد القايمة وما ترجعش المهر وتحبسك .
ركز معايا عشان تفهم ما يحصلش معاك زي ما حصل مع ملايين الشباب في السجون حالياً .
أولاً :
الشبكة اللي بتشتريها فترة الخطوبة لازم يكون فاتورة الدهب بإسمك ومعاك صور الخطوبة عشان لو الجواز ما تمتش تعرف تاخد حقك ما يتنصبش عليك وتاخده منك وتقولك ما لكش عندي حاجة زي ما حصل مع ملايين الشباب
بتعمل حاجة إسمها دعوى إسترداد شبكة وهتاخدها منها ولو إمتنعت هي هتتحبس .
ثانياً :
الشبكة دي تعتبر مهر لأنك مش مطالب بشبكة فلازم تكتب وقت الزواج في قسيمة الزواج في الإشترطات الخاصة :
إتفق الزوجان على أن يرد مقدم الصداق للزوج عيناً وهو عبارة عن :
- عدد جرامات الدهب اللي أنت جايبها عيار كام تفصيلاً
- أي قيمة فلوس دفعتها للزوجة كمهر
وذلك في حالة الخلع لا قدر الله
وأقرت الزوجة بالموافقة على ذلك
جرامات الدهب اللي جبتها دي تعتبر مهر أو جزء من المهر عشان لو عملت خلع ترجعلك حقك
ولو طلبوا منك تمضي على دهب في قايمة يبقى بيتنصب عليك
إزاي تمضي على دهب انت جايبه وهو معاها ؟
ساعتها هتاخد الدهب وترفعه عليك تاني وتحصل زمايلك في عنبر الشاريين
ثالثاً :
لو حد قالك من اهلها هنكتب قدام المهر جنيه واحد فقط ارفض حتى لو الجوازة هتبوظ عشان كده عاملين حسابهم انها في اي وقت لو حبت تعمل خلع وتديك الجنيه وتاخد منك الدهب وهي المفروض ترده ليك ساعتها .
رابعاً وده الاهم :
لو أنت ما كتبتش قايمة هي تقدر تتلاعب وتاخد برضه حاجتك عن طريق حاجتين :
- إنها تقول القايمة ضاعت وتجيب شهود زور يقولوا كانوا حاضرين وقت إمضتك وتعمل معاينة لمحتويات الشقة وتاخدها منك
- أو حاجة اسمها قايمة المثل في القانون هتجيب قايمة أي واحدة من قرايبها وتاخد كل حاجة منك برضه
الحل إيه بقى ؟
هتجهز بيتك قدر إستطاعتك وتدفع شبكة " مهر " ولو هيزيد عليه جزء تكتبه مؤخر
وهتكتب دي في قسيمة الزواج بالظبط :
" إتفق الزوجان على قيام الزوج بشراء جميع منقولات الزوجية وهي جميعها ملك خالص للزوج من حر ماله وليس للزوجة منقولات تخصها بمسكن الزوجية حيث لم يستلم الزوج والزوجة أي منقولات خاصة بها وعليه فلا يحق للزوجة بمطالبة زوجها بأي منقولات زوجية بمجرد توقيعها على هذا العقد "
وما تمضيش قايمة مهما حاولوا يقنعوك عشان دي ما لهاش علاقة بالجواز ولا الطلاق دي وصل أمانة وقت الطلب في أي لحظة هتاخده منك
أقسم بالله فيه شباب إتاخدت من على ترابيزة الأكل وهو قاعد معاها وإتحبسوا
كدا كدا القانون بيحميها لو معاها أطفال هتاخد منك الشقة باللي فيها بالتمكين وفي نفقة للأطفال يبقى القايمة لزمتها إيه ؟
عشان تعرف تحبسك مش أكتر وتكون وسيلة للإنتقام.
إفرش بيتك بالكامل وإديلها مهرها في حدود إمكانياتك وحافظ على قوامتك وراعي ربنا فيها وفي عيالك
كل اللي قولتهولك فوق دا الاصول والشرع واللي يزعل من الشرع سيبه وأنت مطمن👌🏻
وخليك زي ما الشيخ عبدالله ماعمل.
#منقول
ليست هناك تعليقات:
إرسال تعليق