ويجعل مثواه الجنة أم مأواه الجنة ؟ أيهما أصح .

السلام عليكم 👁️👁️

مثوي أم مأوي ؟ وما الفرق بينهما ؟ تعالوا بنا 

نعرف 

من حوالي ساعتين ونص تلت ساعات كدا شوفت البوست دا وحاولت اتجاهل واعديه بس حقيقي مقدرتش بشوفه كتير جدا ومش قادره اشيل من دماغي فكرة انها هبده من هبدات الفيس، فتحت مصحفي الالكتروني حبيبي وعملت سيرش ع 

الكلمتين دول (مثوى ،ومأوى)

لاقيت ان كلمة مثوى جايه 13 مره 

10 مرات مع الكافرين والظالمين والمتكبرين والخاسرين 

والـ3 الباقيين: 

{.. أَكْرِمِى مَثْوٰىهُ عَسٰىٓ أَن يَنفَعَنَآ.. }  سورة يوسف : 21 

{.. قَالَ مَعَاذَ اللَّهِ ۖ إِنَّهُۥ رَبِّىٓ أَحْسَنَ مَثْوَاىَ }  سورة يوسف : 23 

{ فَاعْلَمْ أَنَّهُۥ لَآ إِلٰهَ إِلَّا اللَّهُ وَاسْتَغْفِرْ لِذَنۢبِكَ وَلِلْمُؤْمِنِينَ وَالْمُؤْمِنٰتِ ۗ وَاللَّهُ يَعْلَمُ مُتَقَلَّبَكُمْ وَمَثْوٰىكُمْ }  سورة محمد : 19

مأوى لاقيتها 22 مره 

19 مع جهنم والنار والجحيم 

و الـ3 الباقيين:

{ أَمَّا الَّذِينَ ءَامَنُوا وَعَمِلُوا الصّٰلِحٰتِ فَلَهُمْ جَنّٰتُ الْمَأْوٰى نُزُلًۢا بِمَا كَانُوا يَعْمَلُونَ } سورة السجدة : 19 

{ عِندَهَا جَنَّةُ الْمَأْوٰىٓ }  سورة النجم : 15 

{ فَإِنَّ الْجَنَّةَ هِىَ الْمَأْوٰى }  سورة النازعات : 41 

يعني لو علي تقديراتكوا ف كلمة مثوي للجنه افضل بقا.

بس لاقيت 3 آيات استوقفوني

{ وَمَأْوٰىهُمُ النَّارُ ۚ وَبِئْسَ مَثْوَى الظّٰلِمِينَ }  سورة آل عمران : 151

{ فَإِنَّ الْجَحِيمَ هِىَ الْمَأْوٰى }   سورة النازعات : 39 

{ فَإِنَّ الْجَنَّةَ هِىَ الْمَأْوٰى }   سورة النازعات : 41 

فاجئتكوا صح ؟😂

الشاهد يا جماعه ان الكلمتين بمعني مكان او مستقر وبلاش ننقل اي حاجه ف الدين عمياني كدا البوست دا بيتشير من ونا عندي 6 سنين باين.. وسيبوا الناس تعزي يجماعه 🌚

(انا عملت سيرش ع الكلمتين وما يقاربهم مش ع الماده ف وارد اعداد الآيات متكونش مظبوطه اوي ⁦🚶🏿‍♀️⁩)

..

وذكر فإن الذكرى تنفع المؤمنين - 

منقول